குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்
² - ஸித்₃தி₄ - சித்திகள் - அணிமா முதலான எண்சித்திகள் - பாகவத புராணம், புத்தகம் 11, அத்தியாயம் 15 உத்தவ கீதையினை நோக்கவும்.

பதஞ்சலி யோக சூத்திரங்கள் - அத்தியாயம் 3 - சக்திகள் - நோக்கவும்.

² - ஸித்₃தி₄ மானுரா - மேற்கூறிய பாகவதபுராணத்தில், கண்ணன் உத்தவனுக்குக் கூறவதாவது -
"(மேற்கூறிய) சித்திகள் யாவும் என்னை, யோக முறையில், மனத்தினையொருமித்து, வழிபடும் முனிவனிடம் காத்து நிற்கின்றன."
"இந்த சித்தகள் யாவுமே, என்னையடையும் தலை சிறந்த நெறியினுக்குத் தடங்கல்களென்றும், அங்ஙனம், அவற்றினை விழைவோனுக்கு, அவை (சித்திகள்) கால விரயமும் ஆகும் என்று தொண்டு முறைகளைக் கற்றறிந்த வல்லுநர்கள் கூறுவர்." (ஆங்கில மொழிபெயர்ப்பின் தமிழாக்கம்)

⁴ - அலங்கார - அணியிலக்கணம் - சுருக்கம்
Top

விளக்கம்
¹ - க்ஷீணமை - தளர்ந்து - பல்லவியில், இதற்கு 'உடல் தளர்ந்து' அல்லது 'சித்திகள் தளர்ந்து' என்று பொருள் கொள்ளப்படும். அனுபல்லவியில், 'பயன்கள்' என்ற சொல்லினை பல்லவியில் இணைக்கும்போது, 'இயல், இசை, நாடகம்.....ஆகியவற்றின் பயன்கள் தளர்ந்து' என்று பொருள் கொள்ளப்படும். சரணத்தில், 'வகித்து' என்ற சொல்லினை பல்லவியுடன் இணைக்கும்போது, 'தளர்ந்து' (உடல் அல்லது சித்திகள்) என்று பொருள் கொள்ளப்படும்.

³ - கீ₃ர்வாண - எல்லா புத்தகங்களிலும் 'கீ₃ர்' - bracket-களில் கொடுக்கப்பட்டுள்ளது. இதற்குக் காரணம், இந்த சொல், இதற்கு முந்தைய தாள ஆவர்த்தியினைச் சேர்ந்தது என சங்கீதம் அறிந்தவர் கூறுகின்றனர்.

சில புத்தகங்களில் இதற்கு 'சம்ஸ்கிருதம்' என்றும் மற்றவற்றில் 'இலக்கியம்', 'கவிதை' என்று பொருள் கொள்ளப்பட்டுள்ளது.

'கீ₃ர்வாண' என்ற சொல்லுக்குப் பொதுவாக 'வானோர்' என்று பொருள். அந்த பொருள் இங்கு பொருந்தாது. 'கீ₃ர்' என்ற சொல்லுக்கு 'சொல்', 'பேச்சு' என்று பொருள். 'வாண' என்ற சொல்லுக்கு 'இசை' என்று பொருளுண்டு. இதற்கடுத்து வரும் 'நாடகம்' என்ற சொல்லினை இணைக்கும்போது இதற்கு 'இயல்', 'இசை', 'நாடகம்' (முத்தமிழ்) என்று பொருள் கொள்ளலாம்.

⁵ - ப₂லமுலு - பயன்கள் - சில புத்தகங்களில் இதற்கு (அனுபல்லவியில் கூறிய) 'இயல், இசை, நாடகம், அணியிலக்கணம் ....ஆகியவற்றின் பயன்கள் தளர்ந்து மீண்டும் பிறப்பிக்கின்றன' என பொருள் கொள்ளப்பட்டுள்ளது. இவற்றின் பயன்கள் தானாகத் தளர்வதில்லை; சித்திகள்தான் இவற்றின் பயன்களைத் தளர்வுறச் செய்வதாகப் பொருள் கொள்ளவேண்டும்.

Top
⁶ - எதி₃ ஜேஸின ஜக₃ன்னாது₂டு₃ ஸி₁ரமுன ஹ்ரு₂த₃யமுன வஹிஞ்சி - உலக நாயகன் என்செயினும், தலையிலும், உள்ளத்திலும் வகித்து -
மேற்கூறிய, பாகவத புராண மேற்கோளின்படியும், திருமூலரின் திருமந்திரத்தின்படியும், இந்த சித்திகளுக்கு ஆசைப்பட்டால் இறைவனை அடையும் நோக்கம் நிறைவேறாது. எனவே, தியாகராஜர் தன்னுடைய மனத்திற்கு - அதன் மூலமாக உலகோருக்கு - உரைப்பது 'இந்த சித்திகளைத் தவிர்த்து, நடப்பது நடக்கட்டும் என்று இறைவனின் நினைவினில் இரு' என.

திருமூலரின் திருமந்திரம், செய்யுட்கள் 631 மற்றும் 669 - 672 நோக்குக.

தியாகராஜரின் 'க்ரு₂பாலவால' என்ற 'நாதவராங்கிணி' கீர்த்தனையின் குறிப்புகளில் இதுபற்றி மேலும் விளக்கங்கள் காணவும்.

⁷ - வஹிஞ்சி - வகித்து - இது 'தலையில்' மற்றும் 'உள்ளத்தில்' - இரண்டுக்குமே பொதுவான சொல்.
Top