குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்
² - கா₃ருட₃முனு - ‘கருட மந்திரம்’ - அரவின் விடமிறக்கும் மந்திரம் - மருமமான சொற்களென
³ - நே காது₃ - நானல்ல - கீதையில் கண்ணன் கூறுவது (10-வது அத்தியாயம் 37-வது செய்யுள்) -

"வ்ருஷ்ணிகளில் நான் வாசுதேவன்; பாண்டவர்களில் தனஞ்சயன் (அருச்சுனன்);
முனிவர்களில் நான் வியாசர்; கவிகளில் உஷனஸ்."

'வ்ருஷ்ணி' என்பது கண்ணன் பிறந்த குலம். நோக்கம் என்னவென்றால், "வ்ருஷ்ணி குலத்தினில் நான் பிறந்தாலும், நீயும் நானே; எனவே, நான் நானல்ல; அதுபோன்றே, நீயும் நீயல்ல. (அனைத்துயிர்களிலும் உள்ளியங்கும் ஆன்மா ஒன்றேயென.)
Top

⁴ - அலரி தோ₃ஸமு - சண்டை பாவம் - கீதையில் (முதல் அத்தியாயம், செய்யுட்கள் 28 மற்றும் 45) -

"கண்ணா! போருக்குத் தயாராக நிற்கும், என்னுடைய சுற்றத்தினரைக் கண்டு,
எனதுடல் தளர்கின்றது; நா வறள்கின்றது;"
"அரச போகத்தின் பேராசையினால், சுற்றத்தினரையும் கொன்று,
ஐயகோ! யாம் பெரும் பாவம் செய்யத் துணிந்துள்ளோம்."

⁵ - நருனி - நரன் - அருச்சுனன் - அருச்சுனனும், கண்ணனும் முற்பிறவியில் நர-நாராயண எனும் இருடிகளாவர்.

கண்ணன் உபதேசித்த கீதை கிருஷ்ண - அர்ஜுன உரையாடல் என்றும், நர - நாராயண உரையாடல் என்றும் கூறப்படும்.

நர - நாராயண இருடிகளைப் பற்றி அறிய பாகவத புராணம், 12-வது புத்தகம், 8-வது அத்தியாயம் நோக்கவும்.
Top

⁶ - பாப ப₂லமு நீகு தனகு லேத₃ - பாவத்தின் பயன் உனக்கும் எனக்கும் இல்லை. இது குறித்து கீதையில் கண்ணன் கூறுவது (இரண்டாவது அத்தியாயம், 19-வது செய்யுள்) -

"யார் இதனை (ஆன்மாவை) 'கொல்பவன்' என்றும், 'கொல்லப்படுபவன்' என்றும் கருதுகின்றனரோ,
அவர் அறியார்; இஃது கொல்வதுமில்லை; கொல்லப்படுவதுமில்லை."
(ஸ்வாமி ஸ்வரூபானந்தாவின் கீதையின் (அனைத்து) ஆங்கில மொழிபெயர்ப்புகளின் தமிழாக்கம்)
Top

விளக்கம்
¹ - ப்₃ரஹ்மகைன கொனியாட₃ - கண்ணன் கீதையில் கூறும் மொழிகளைப் புரிந்துகொள்ள பிரமனாலும் இயலுமா என்று தியாகராஜர் வியக்கின்றார்.

² - கா₃ருட₃முனு - கருட மந்திரம் - சரணத்தில் கூறப்பட்டதனைக் குறிக்கும். சரணத்தினைப் படித்த பின்னரே அனுபல்லவிக்குப் பொருள் கொள்ள இயலும்.
Top

⁴ - அலரி - எல்லா புத்தகங்களிலும் இங்ஙனமே கொடுக்கப்பட்டுள்ளது. ஒரு புத்தகத்தில், இதற்கு 'நடுங்கினான்' என்றும், இன்னொரு புத்தகத்தில், 'தயங்கினான்' என்றும் பொருள் கொள்ளப்பட்டுள்ளது. தெலுங்குச் சொல் 'அலரு' அல்லது 'அலரி' என்பதற்கு அத்தகைய பொருளேதும் இல்லை. எதுகை - மோனையினை நோக்குகையில் 'அல' என்று தொடங்கும் சொல் பொருந்தலாம்.

'அலரி' என்ற தெலுங்கு சொல்லுக்கு 'மலர்தல்' என்று பொருளாகும். 'அலர்தல்' என்ற தமிழச்சொல்லுக்கும் அத்தகைய பொருளே. ஆனால், 'அலறு' என்று தமிழ்ச் சொல்லுக்கும், 'அத₃ரு' என்ற தெலுங்கு சொல்லுக்கும், 'நடுங்குதல்' என்று பொருளாகும். 'அல்லரி' என்ற தெலுங்கு சொல்லுக்கு, 'சண்டை' என்று பொருளாகும்.

எனவே, 'அலறு' என்ற தமிழ்ச்சொல்லைத் தியாகராஜர் பயன்படுத்தியிருக்கலாம். அல்லது 'அத₃ரி' என்று தெலுங்கு சொல், தவறாக, 'அலரி' என்று கொடுக்கப்பட்டிருக்கலாம்.

இங்கு, தெலுங்கு சொல் 'அல்லரி' (சண்டை) என்ற பொருள் கொள்ளப்பட்டுள்ளது.
Top