குறிப்புக்கள் - (Notes)
வேறுபாடுகள் - (Pathanthara)
¹ - வத₃ரேரய்ய - வத₃ரேரய்ய ஸ்ரீ ராம
³ - மூர்ச₂ன - மூர்ச₂னா
⁴ - தெலியகயுண்டி₃ன - தெலியகயுண்டி₃
Top

மேற்கோள்கள்
² - ஸ்வர ஜாதி - இதனை இரண்டு சொற்களாக ஏற்கவேண்டுமா அல்லது ஓரு சொல்லாகவா என விளங்கவில்லை. 'ஜாதி' என்ற சொல்லின் விளக்கம் காணவும்.

³ - மூர்ச₂ன - இச்சொல்லின் விளக்கம் காணவும்.

⁶ - நாத₃முல் - நாதம் - இச்சொல்லின் விளக்கத்தினை இந்த web site-களில் நோக்கவும். நாதம்-1; நாதம்-2
Top

விளக்கம்
⁵ - தே₃ஹோத்₃ப₄வம்ப₃கு₃ நாத₃முல் - உடலில் தோன்றும் நாதங்கள். லலிதா ஸஹஸ்ர நாமத்தில், 'பரா', 'பஸ்₁யந்தீ', 'மத்₄யமா', 'வைக₂ரீ' என்பவை அம்மையின் பெயர்களாகும். 'வைக₂ரீ' - ஒலிவடிவ நாதமாகும்; 'பஸ்₁யந்தீ' - ஒலியற்ற நாதமாகும்; 'மத்₄யமா' - 'வைக₂ரீ' மற்றும் 'பஸ்₁யந்தீ' இவற்றின் இடை நிலையாகும். இவை யாவற்றினையும் கடந்த, நாதம் தோன்றுவதற்கு ஆதாரம் 'பரா' எனப்படும். (ஸ்வாமி தபஸ்யாநந்தாவின் ஆங்கில மொழிபெயர்ப்பின் தமிழாக்கம்)

'பரா, பஸ்₁யந்தீ, மத்₄யமா, வைக₂ரீ' - காஞ்சி மாமுனிவரின் விளக்கவுரை (பக்கம் 30) நோக்கவும். இந்த விளக்கத்தின்படி 'மத்₄யமா' என்பது 'அனாஹத நாதம்' எனவும் கூறப்படும். கபீர் தாஸர் கூறுவது 'அனாஹத நாதம் இடையறாது ஒலிக்கின்றது'.

ஒலி வடிமான 'ஓங்காரம்', 'வைக₂ரீ'யாகும் - இதுவே 'அஹத நாதம்' எனப்படும். 'ஏழு சுரங்கள் ஓங்காரத்தினின்றும் வெளிப்படுகின்றது' என தியாகராஜர் தனது 'மோக்ஷமு க₃லதா₃' என்ற கீர்த்தனையில் கூறுவார்.

Top

⁷ - தா₃ஹம்பு - இந்த சம்ஸ்கிருத சொல்லுக்கு 'நெருப்பு' மற்றும் 'வெப்பம்' என பொருளாகும். இந்த தெலுங்கு சொல்லுக்கு, பொதுவாக, தமிழில் உள்ள 'விடாய்' என பொருளாகும். தியாகராஜர், தனது, 'மோக்ஷமு க₃லதா₃' என்ற கிருதியில் 'உயிர்மூச்சு மற்றும் உடல் வெம்மையின் சேர்க்கையினால் பிரணவ நாதம் ஏழு சுரங்களாகித் திகழ்கின்றன' என்று கூறுகின்றார்.

இந்த கிருதி முழுதும் சங்கீதத்தைப் பற்றி்யது. நான் இசைப்பயிற்சியற்றவன். எனவே நான் கூறியவற்றினில் தவறுகள் இருந்தால் மன்னிக்கவும்.

பிரணவம் - ஓங்காரம்
'ராக, லய, ஸ்வர ஜாதி மூர்ச்சன' என்ற சொற்கள் தமிழில் மொழிபெயர்க்கப்படவில்லை
Top