குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்
¹ - முனுபடி சரிதமுலனு வினியுன்ன வனித - முந்தைய சரிதங்களை செவிமடுத்துள்ள வனிதை - ருக்மிணி (கண்ணனின் மனைவி). சிறு வயதிலேயே, கண்ணனின் கதைகளைச் செவிமடுத்து, அவனையே கணவனாகவும் வரித்தாள் ருக்மிணி. ஆனால், அவள் தமையனோ அவளை கண்ணனுக்கு மணம் செய்துகொடுக்க விரும்பவில்லை. எனவே, ருக்மிணி ஒரு அந்தணர் மூலமாக கண்ணனுக்கு, தன்னுடைய உள்ளப் பாங்கினைத் தெரிவித்து, மடலெழுதி யனுப்பினாள். அதில் 'உன்னை இப்பிறவியில் அடைய முடியாவிட்டால், நூறு பிறவிகள் எடுத்தாகிலும் அடைவேன்' என தன்னுடைய திடமான எண்ணத்தினைத் தெரியப்படுத்தினாள். இதனைத்தான் தியாகராஜர் 'வனிதை' என்று குறிப்பிடுகின்றார் எனத் தோன்றுகின்றது. பாகவத புராணம், 10-வது புத்தகம், அத்தியாயம் 52 நோக்கவும்.

² - ஒருல பா₃த₄லகு ஓர்வகயுண்டு₃ட பரம த₄ர்மமு - மற்றவர் துன்பங்களைக் கண்டு பொறுக்காதிருத்தல் - வால்மீகி ராமாயணம், ஆரண்ய காண்டம், அத்தியாயம் 10-ல் ராமன் சீதையிடம், தண்டகாரண்யத்தில் வாழும் முனிவர்களைக் காப்பதற்கான தன்னுடை விரதத்தின் காரணங்களை விளக்கிக் கூறுவதை, இங்கு தியாகராஜர் குறிப்பிடுவதாகத் தோன்றுகின்றது.
Top

விளக்கம்
இப்பாடல் தியாகராஜர் தனது மனதை நோக்கிப்பகர்வதாக அமைந்துள்ளது.
Top