குறிப்புக்கள் - (Notes)
வேறுபாடுகள் - (Pathanthara)
சில புத்தகங்களில் முதலாவது சரணம் அனுபல்லவியாகக் கொடுக்கப்பட்டுள்ளது.

¹ - ஸுடி₃ கா₃லி - ஸூடி கா₃லி : புத்தகங்களில் இச்சொல்லுக்கு, 'சுழற் காற்று' என்று பொருள் கொள்ளப்பட்டுள்ளது. தெலுங்கில், 'ஸுடி₃ கா₃லி' என்பதுதான் அத்தகைய பொருள் பெறும். அங்ஙனமே ஏற்கப்பட்டது.

² - ஓட₃ ஜுட்டி வடி₃ வடி₃கா₃ வானலைதே - ஓட₃ ஜுட்டி வடி₃கா₃ வானலைதே - ஓட₃ ஜுட்டி ஜுட்டி வடி₃ வானலைதே.

³ - ஸலிகெ₃ - எல்லா புத்தகங்களிலும் இங்ஙனமே கொடுக்கப்பட்டுள்ளது. இதற்கு, 'உதவி', 'காப்பு' என்ற பொருள் கொள்ளப்பட்டுள்ளது. அத்தகைய பொருளுடைய தெலுங்கு சொல், 'ஸலிக₃' ஆகும். இது ஹிந்தி மொழியிலிருந்து வந்த சொல் என்று, தெலுங்கு அகராதி கூறும்.

⁵ - ஜனிரம்மா - போயிரம்மா.
⁶ - மத₃மிந்த வத்₃த₃ண்டினம்மா - மத₃மிம்ப வலத₃ண்டினம்மா.
Top

மேற்கோள்கள்
⁴ - காளிந்தி₃ - பலராமன் தனது ஏரினால் உழுது, யமுனையிலிருந்து ஒரு வாய்க்கால் உண்டாக்கினான் என்றும், அதுவே, 'காளிந்தி' என்று பெயர் பெற்றதென்பர்.
Top

விளக்கம்
⁴ - க₃தி காளிந்தி₃ - போக்கு காளிந்தி - பொதுவாக, 'க₃தி' என்ற சொல்லுக்கு, 'புகல்' என்று பொருளாகும். ஆனால், இப்பாடலில் விவரிக்கப்பட்டுள்ள நிலைமையை நோக்குகையில், இச்சொல்லுக்கு, 'போக்கு' அதாவது, 'இனி காளிந்தியிலேயே நாம் மூழ்கவேண்டியதுதான்' என்ற பொருள்படும்.

இப்பாடல் 'நௌக சரித்ரம்' (ஓடக்கதை) எனப்படும் நாட்டிய-நாடகத்தின் அங்கமாகும்.

(பாடலின் பின்னணி - ஆய்ச்சியர், யமுனைக் கரையில், கண்ணனைச் சந்தித்து, அவனுடன் படகில் யமுனை நதியில் பயணம் செய்தனர். கண்ணனை சந்தித்த மகிழ்ச்சியில், அவர்கள், கண்ணன், 'தங்களது சொத்து' என்று செருக்குற்றனர். அவர்களுடைய செருக்கினைப் போக்குதற்காக, யமுனையில், புயலையும், மழையையும் உண்டாக்கினான் கண்ணன். அந்தப் புயல் - மழையினால், படகு, நீரில் தத்தளித்தது. இப்போது இந்தப் பாடல்.)

காளிந்தி - யமுனை நதி
தியாகராசனின் தோழன் - கண்ணன்
Top