குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்

விளக்கம்
'ராக₃ ரத்ன மாலிக' (ரீதி கௌ₃ள) கீர்த்தனையில், தியாகராஜர் இராமனைக் குறித்து நூற்றுக்கணக்கான ராக ரத்தின மாலையை புனைந்துள்ளதாகக் கூறுகின்றார். அவற்றினில், இந்த கீர்த்தனையின் சொற்கள் சுக்கிரீவனுக்குப் பொருந்தும்.

சுக்கிரீவனுடன் நட்பு கொண்டபின், ராமன், வாலியை தான் கொல்வதாக உறுதியளிக்கிறான். ஆனால் சுக்கிரீவனுக்கு ராமனைக்குறித்து அதிகம் தெரியாது. எனவே மிக்கு வலியவனாகிய தனது அண்ணன் வாலியை ராமன் கொல்ல முடியுமா என ஐயப்படுகின்றான். அவ்வையத்தினைப் போக்குதற்கு, வாலியினால் கொல்லப்பட்ட, துந்துபியின் மலை நிகர் எலும்புக் கூட்டினை, தனது கால் பெரு விரலினால் உதைத்து காத தூரம் தள்ளினான். அப்படியும் சுக்கிரீவன் ஐயம் தீராததனால், ஓரம்பெய்து ஏழு சால மரங்களையும் துளைத்து, அவ்வம்பு திரும்ப தனது அம்பறாத்தூணியை வந்தடையச் செய்தான், ராமன். அதன் பின்னரே, சுக்கிரீவன் ராமனின் திறமையைப் பற்றி ஐயம் நீங்கினான்.

'உனது மகிமைகளையெல்லாம் நிறையக் காண்பித்து' என்ற சொற்கள் சுக்கிரீவனுக்குப் பொருந்தும். இச் சம்பவம் குறித்து வால்மீகி ராமாயணம், கிஷ்கிந்தா காண்டம், அத்தியாயங்கள் 11 மற்றும் 12 நோக்கவும்.

சித்தாந்தம் - முடிந்த முடிவு
Top