குறிப்புக்கள் - (Notes)
வேறுபாடுகள் - (Pathanthara)
¹ - பணதுலார - புத்தகங்களில், இச்சொல்லுக்கு 'பெண்கள்' என்றும் 'தோழிகள்' என்றும் பொருள் கொள்ளப்பட்டுள்ளது. ஆனால், தெலுங்கு அகராதியில் 'பணதி' என்ற சொல்லுக்கு அப்படிப்பட்ட பொருளில்லை. தியாகராஜர், 'நௌகா சரித்திர'த்திலும், 'பணதி' என்ற சொல்லைப் பயன்படுத்தியுள்ளார். அங்கு, அச்சொல்லுக்கு, 'பெண்மணி' என்று பொருள்படும்.

சம்ஸ்கிருதச் சொல் 'ப்ரணயின்' மற்றும், அதற்குச் சமமான தெலுங்கு சொல், 'ப்ரணயினி' என்பது 'இனிய பெண்', 'மனைவி' என்று பொருள்படும். எனவே, 'பணதி' என்ற சொல், இந்த சொல்லிலிருந்து (ப்ரணயினி) வந்திருக்கலாம். மேலும், தெலுங்கில், சில சொற்களின் தொடக்கத்தில், 'ப' - 'ப்ர' என்பது மாற்றி மாற்றி பயன்படுத்தப்படுகின்றது - 'பக்கல' - 'ப்ரக்கல'.

² - பலிகே - பலுகு : இவ்விடத்தினில் 'பலிகே' பொருந்தும்.

⁵ - த்யாக₃ராஜுனிதோனு - த்யாக₃ராஜ நுதுனிதோனு : 'த்யாக₃ராஜ நுதுனிதோனு' என்ற சொல்லுக்கு 'தியாகராஜனால் போற்றப் பெற்றவனுடன்' (அதாவது ராமன்) என்று பொருளாகும். அதன்படி, 'ராமன் தனக்குத்தானே பேசிக்கொள்கின்றான்' என்று பொருளாகும். இங்கு 'ராமன், தியாகராஜனுடன் பகர்வதாக'த்தான் பொருள் கொள்ளவேண்டும். எனவே, 'த்யாக₃ராஜ நுதுனிதோனு' தவறாகும்.

⁶ - பொக₃டே₃ - பொக₃டு₃
Top

மேற்கோள்கள்
³ - ஸ்₁ரு₂ங்கா₃ர ரஸ - நவ ரசங்களில் முதன்மையான சிங்கார ரசம். நவ ரசங்களாவன - சிங்காரம், வீரம், வெறுப்பு, சினம், நகைச்சுவை, அச்சம், கருணை, வியப்பு, அமைதி. சில இடங்களில் 'வாத்ஸல்யம்' எனப்படும் 'பெற்றோரின் பரிவும்' இப்பட்டியலில் சேர்த்துக்கொள்ளப்பட்டுள்ளது.

⁴ - வார ரமணுலு - தேவதாசிகள் எனப்படும் ஆடல் மகளிர்.
Top

விளக்கம்
இப்பபாடல் நாயகி பா₄வத்தில் அமைந்துள்ளது.

கண்டசருக்கரை - கற்கண்டெனவும் கொள்ளலாம்
தாசரதி - தசரதன் மைந்தன் - இராமன்
Top