குறிப்புக்கள் - (Notes)
வேறுபாடுகள் - (Pathanthara)
² - விதா₃ர - ரதா₄ர - 'ர' என்ற சொல்லுக்கு 'நெருப்பு' என்றும், 'தா₄ர' என்ற சொல்லுக்கு 'மழை' என்றும் பொருள் உண்டு. 'ரதா₄ர' சரியானால், தியாகராஜர் 'தீய மானவரெனும் நெருப்பினை அணைக்கும் மழை' என்று கூறுவதாகக் கொள்ளலாம்

⁵ - க்ரு₂பா ராக₃தே₃ - க்ரு₂பா ஸாக₃ர - கருணை மணியே - 'கருணைக் கடலே' என்றும் கொள்ளலாம். 'ராக₃த₃' என்ற சொல்லுக்கு 'பளிங்கு' என்று பொருள். 'பளிங்கு' 'மணி' (ரத்தினம்) வகையைச் சேர்ந்தது. சிந்தாமணி விரும்பியதை வழங்கும் என நம்புவர். அது போன்று 'கருணை மணி' என்ற பொருளில் கூறப்படுவதாகக் கொள்ளலாம். பளிங்கு மற்றும் ரத்தினங்கள் - இவைகளின் விவரங்கள் காண்க.
Top

மேற்கோள்கள்
¹ - மகராங்க - மகர சின்னத்தோன் - காமன்

⁴ - பூர்வ தே₃வ - தைத்யர்கள் 'திதி'யின் மைந்தர்கள்; தானவர்கள் 'தனு'வின் மைந்தர்கள். திதியும், தனுவும் கசியப முனிவரின் மனைவியர். இரு தாய் மக்களுக்கும் 'தேவர்கள்' என்று பெயர். அவர்களிடை பகை இருந்தது. இரு சாராரும் சேர்ந்தே பாற்கடலைக் கடைந்து அமுது பெற்றனர். ஆனால் தானவர்களுக்கு அமுது கிடைக்காமல் வஞ்சனை செய்யப்பட்ட பின்னர் அவர்களின் பகை தீராததாகியது. அதனால் 'தானவர்கள்' 'முன்னாள் தேவர்கள்' எனப்படுவர். பொதுவாக தானவர்களை அரக்கரென்பர். இது குறித்து ஸ்ரீமத்-பாகவதம், 8-வது புத்தகம், 6-11 அத்தியாயங்கள் நோக்குக.
Top

விளக்கம்
³ - நிர்விகார கு₃ண - 'நிர்' எனும் prefix 'விகார' 'குண' ஆகிய இரு சொற்களுக்கும் பொதுவாகும். அன்றேல், 'குண' என்ற சொல்லுக்கு தனிப்பட்ட பொருள் கூறவியலாது. 'நிர்விகார குண' என்று சேர்த்தும் பொருள் கூறுவது முரண்பாடாகும்

புரந்தராதியர் - இந்திரன் முதலானோர்
மா - இலக்குமி
கலசக்கடல் - பாற்கடல்
தளரா தோள்களோனே - 'வானோர் பக்கமிருப்போனே' என்றும் கொள்ளலாம்.
சூரிய குலத்தின் தலையாய எதிரி - இராவணன்

Top