குறிப்புக்கள் - (Notes)
வேறுபாடுகள் - (Pathanthara)
⁵ - பூ₄-ஸுர க்ரு₂தமௌ - பூ₄-ஸுர க்ரு₂தமோ : 'க்ரு₂தமோ' என்ற சொல் தனிப்படப் பொருள் ஏதும் தராது. இது 'மஞ்சி பூஜா ப₂லமோ' என்பதுடன் இணைத்தால்தான் பொருள் நிறைவுறும். எனவே 'க்ரு₂தமௌ' என்பதே பொருந்தும்.
Top

மேற்கோள்கள்
² - முனுலெட்ல கனி மோஹிஞ்சிரோ - முனிவர்கள் எங்ஙனம், கண்டு, மோகித்தனரோ! - தண்டகாரண்ய முனிவர்களே ஆய்ச்சியராகப் பிறந்தனர் -

"....60,000 முனிவர்களும் விஷ்ணுவின் அவதாரமான ராமனுடன் இணைய விரும்பினர். அதற்கு, ராமன், தான் இந்த அவதாரத்தில் 'ஒர் பத்தினி விரதன்' என்றும், தனது அடுத்த அவதாரமான கிருஷ்ணாவதாரத்தில், முனிவர்கள் ஆய்ச்சியராகப் பிறந்து, அவர்கள் கோரியதைப் பெறலாம் என்றும் வாக்களித்தான்...."
Top

இதனையே, தியாகராஜர், தமது 'நௌக சரித்திரம்' எனப்படும் 'ஓடக்கதை'யின் 'பெருகு₃ பாலு பு₄ஜியிஞ்சி' என்ற க₄ண்டா ராக கீர்த்தனையில், ஆய்ச்சியர் வாயிலாக வெளிப்படுத்துகின்றார் -

"கோடி ஜன்மங்கள் தவம் இயற்றி, கோரியதெல்லாம் இதற்கா?"

⁴ - கரகி₃ கரகி₃ நில்சு வாரு - உருகியுருகி நிற்போர் - இது, தண்டகாரண்ய முனிவர்களைக் குறிக்கும். வால்மீகி ராமாயணம், அயோத்தியா காண்டம், 116-வது அத்தியாயத்தினையும், ஆரண்ய காண்டம், முதலாவது அத்தியாயத்தினையும் நோக்கவும்.

⁶ - த₄ன பதி ஸகு₂டை₃ன - குபேரனின் நண்பனாம் - சிவனைக் குறிக்கும் - சிவ மகா புராணம், ருத்ர சம்ஹிதை - குணநிதி என்ற அந்தணன் கதை நோக்கவும்.
Top

விளக்கம்
¹ - முத்₃து₃ மோமு - கொஞ்சு முகம். தியாகராஜர், தமது, 'எந்த முத்₃தோ₃' என்ற பி₃ந்து₃ மாலினி ராக கீர்த்தனையில், இறைவனைக் காதலிக்காது, காம வசப்பட்டுத் திரியும் மக்களைக் கண்டு இரக்கப்படுகின்றார்.

³ - கத்₃து₃ - உண்டு - நடக்கும். இது, 'ராமாவதாரம் நிகழும்; ராமன் வந்து தங்களைக் காப்பான்' என்று முனிவர்கள் கொண்டிருந்த திடமான நம்பிக்கையினைக் குறிக்கும்.

⁵ - பூ₄-ஸுர - அந்தணர்கள் - இது வசிட்டர், விசுவாமித்திரர், அகத்தியர் போன்ற உயர்ந்த முனிவர்களைக் குறிக்கலாம்.

⁶ - த₄ன பதி ஸகு₂டை₃ன த்யாக₃ராஜார்சித - குபேரனின் நண்பனாம் தியாகராஜன் தொழுத - புத்தகங்களில் இது சிவனைக் குறிப்பதாகக் கொள்ளப்பட்டுள்ளது. அதுவே பொருந்தும்.

முந்தையத் தவமோ - அந்தணர்களைக் குறிக்கும்
தியாகராசன் - இது திருவாரூர் சிவனைக் குறிக்கும்
Top