குறிப்புக்கள் - (Notes)
வேறுபாடுகள் - (Pathanthara)
³ - த₃ரி தா₃பு - தா₃பு.
Top

மேற்கோள்கள்
¹ - பா₃லா - 16 வயதுக்குட்பட்ட பெண். மகா திரிபுர சுந்தரியின் 9 வயதுடைய மகள். அவள் பண்டாசுரனை வதைத்தாள். லலிதா ஸஹஸ்ர நாமம் (74 மற்றும் 965) நோக்கவும்.

⁴ - பஞ்ச ப₄க்ஷ்ய - ஐவகை உண்டி - இது ஐந்து விதமாக - குதப்பி, சப்பி, நக்கி, உறிஞ்சி, குடித்து - அருந்தப்படும் உணவு வகைகளினை, அல்லது அறு சுவை உண்டிகளை - இனிப்பு, புளிப்பு, உவர்ப்பு, கசப்பு, காரம், துவர்ப்பு ஆகியவற்றினை - குறிக்கும். இவற்றில், இனிப்பு, தனியாக, 'பரமான்னம்' (பாயசம்) என்று கொடுக்கப்பட்டுள்ளது.
Top

விளக்கம்
² - தாபமு - இதற்கு, 'வெம்மை' என்று பொருளாகும். வெறும் வெம்மையானால், மழை அல்லது நீரினால் தணியும். ஆனால், இங்கு, தியாகராஜர் 'அமிழ்துக் குளம்' என்று கொடுத்திருப்பதனால், இச்சொல், 'ஆத்யாத்மிக' (தன்னால்), 'ஆதிதைவிக' (தெய்வத்தினால்), 'ஆதிபௌதிக' (இயற்கையினால்) உண்டாகும் முவ்வெம்மையினைக் குறிக்கும் என நம்புகின்றேன்.

⁴ - பஞ்ச ப₄க்ஷ்ய பரமான்னம் - இது தென்னாட்டில் பெரும் விருந்தினைக் குறிக்கும்.

⁵ - மனஸுன சிந்திஞ்சு - மனதினில் சிந்திக்கும் சுகத்தினை விட - இராம தியானம் செய்வதனைக்கூட, தியாகராஜர், நாமம் உரைப்பதினும் தாழ்ந்ததாகக் கருதுவது வியக்கத் தக்கது.
Top

⁶ - பா₃யக நிர்கு₃ண பா₄வமு க₃ல பர-ப்₃ரஹ்மானுப₄வ - இடையறாது, நிர்க்குண இயல்புள்ள, பரம்பொருளின் அனுபவம் - இத்தகைய அனுபவம், புவியில், பெரும் பேறு படைத்த சிலருக்கே கிட்டியுள்ளது. எனவே, இதனை, அறிவு பூர்வமாக வருணிக்க இயலாததுடன், அத்தகைய முயற்சி, அந்த அனுபவத்தினை இழிவு படுத்துவதாகும் என்று நான் கருதுகின்றேன்.

⁷ - ராஜஸ தாமஸ கு₃ணமு லேனி பூஜலு - இராசத குண வழிபாடு - இச்சைகளுக்காக இயற்றப்படுபவை; தாமத குண வழிபாடு - பிறருக்குக் கேடு செய்ய இயற்றப்படுபவை
Top

⁸ - ராஜ ஸி₁கா₂ மணியைன த்யாக₃ராஜுகொஸங்கு₃ ஸுக₂ம்பு₃ - சில கீர்த்தனைகளில், தியாகராஜர், தனது 'தியாகராஜ' என்ற முத்திரையினை, (திருவாரூர்) சிவனைக் குறிப்பதற்குப் பயன்படுத்தியுள்ளார்.

⁸ - த்யாக₃ராஜுகொஸங்கு₃ ஸுக₂ம்பு₃ - காசியில் மரணம் அடைவோருக்கு, சிவன், அவர்கள் காதுகளில், 'ராம' என்ற 'தாரக நாம'த்தினை ஓதுவதாக முக்திகா உபநிடதம் கூறும்.

நெற்றிக்கண்ணன் - சிவன்
பிறையணிவோனாகிய தியாகராசன் - சிவன்
Top