குறிப்புக்கள் - (Notes)
வேறுபாடுகள் - (Pathanthara)
¹ - நின்ன - நின்னு : 'நின்ன' பொருந்தும்.

மேற்கோள்கள்
³ - தை₄ர்ய-ஸா₁லி - ஐம்புலன்களுக்கு எவ்வமயமும் வெளி நோக்கே - இது குறித்து விளக்கம் கடோபநிடதம் - 'பராஞ்சி கா₂னி' என்ற செய்யுளில் (II.i.1) நோக்கவும்.

விளக்கம்
¹ - நின்ன ஸேயு பனுலு நேடு₃ கா₃க - தினப்படி நாம் இயற்றும் பணிகள் யாவுமே, நாம் ஓரடி கூடி இறைவனை நோக்கி எடுத்துவைப்பதெற்கென்றில்லாது, திரும்பத்திரும்ப செக்கு மாடு போன்று உழல்வதாகவே அமைந்துள்ளன.

² - எது₃ரு தானு - எதிரில் தானே - தன்னுள்ளுறை இறைவன் அனைத்துயிர்களிலும் உள்ளான் என - இங்கு, 'தான்' என்பது 'வாசுதேவன்' எனப்படும் உள்ளுறை இறைவனைக் குறிக்கும். விஷ்ணு ஸஹஸ்ரநாமத்தில் 'வாசுதேவ' என்ற போற்றிக்கான பொருள் நோக்கவும்.

பகவத்கீதை, 7-வது அத்தியாயம், 19-வது செய்யுளில் கண்ணன் பகர்வது -
"பல பிறவிகளுக்குப் பின்னர், மெய்யறிவுடைத்தவன், யாவுமே உள்ளியங்கும் பரம்பொருளாகிய 'வாசுதேவன்' என உணர்ந்து, என்னிடம் புகலடைகின்றான். மிக்கு அரிதாவான் அத்தகைய பெருந்தகை." (ஸ்வாமி ஸ்வரூபாநந்தாவின் ஆங்கில உரையின் தமிழாக்கம்)
Top
² - எது₃ரு தானனே இங்கி₃தம்பெ₃ரிகி₃ செத₃ரனீக பஞ்சேந்த்₃ரியமணசி - கண்ணிற்கும் மற்ற புலன்களுக்கும் புலப்படும் நுகர்ச்சிப் பொருள்கள் யாவுமே உள்ளியங்கும் 'வாசுதேவ' மயமே என திடமாகத் தோன்றினால், அப்பொருள்களினால் புலன்கள் பாதிக்கப்படமாட்டா.

³ - தை₄ர்ய-ஸா₁லி காத₃னி - இதற்கு 'துணியுடைவன் அல்ல என ஒருவேளை நீ நினைப்பதனாலோ' (உண்மையில் நான் துணிவுடையவன்) அல்லது 'துணிவுடையவன் அல்லவென்றோ' என இருபொருள் கொள்ளலாம். ஆனால் இறைவன் உள்ளியக்கமாக இருப்பதனால், அவனுக்கு தொண்டனின் பக்குவம், ஐயத்திற்கு இடமின்றி, நன்கு தெரியும். எனவே பிற்சொன்ன பொருள் கொள்ளப்பட்டது.

Top