குறிப்புக்கள் - (Notes)
வேறுபாடுகள் - (Pathanthara)
⁴ - ஜொரப₃டு₃தா₃மண்டே - ஜொரப₃டு₃தா₃மன்ன.
⁸ - தோசே - தோசு.
Top

மேற்கோள்கள்
⁶ - காம மத₃முலகு - இச்சை, சினம், பேராசை, மயக்கம், செருக்கு, வெறுப்பு ஆகி உட்பகைகள் ஆறு.
Top

விளக்கம்
¹ - கட்டு ஜேஸினாவு - கட்டியுள்ளாய் - சில புத்தகங்களில், 'கட்டு' என்ற சொல்லுக்கு 'வசியக்கட்டு' (magic spell) என்று பொருள் கொள்ளப்பட்டுள்ளது.

² - ராம ப₃ந்து₃ : 'ப₃ந்து₃' என்ற சொல்லுக்கு 'கைதி' என்றும் பொருள் கொள்ளலாம். முன்னாளினில், கடனுக்காக, பரம்பரையாக அடிமைகளாக உழைத்தோரை, 'Bonded Labour' என்பர். இத்தகைய அடிமைத்தனத்தைத் தான் தியாகராஜர் குறிப்பிடுவதாக நான் எண்ணுகின்றேன். Bonded Labour ஒழிப்புச் சட்டம் நோக்கவும். எனவே 'அடிமை' என்ற பொருள் ஏற்கப்பட்டது.

³ - தே₃வதா மதமுலலோ - சைவம், வைணவம் ஆகிய ஆறு மதங்கள்.

⁵ - மதமுலனு லலாடமுன பிதாமஹுடு₃ வ்ராய லேது₃ - மதத்தினை, நெற்றியில், தாதை எழுதவில்லை. மதங்கள், மக்களை இணைப்பதற்குப் பதிலாக, பிளவுண்டாக்கப் பயன்படுத்தப்படும் இன்றைய சமுதாயச் சூழ்நிலையில், இச்சொல் நினைவுகூறத் தக்கது.
Top

⁶ - காம மத₃முலகு ஹிதவு - மற்ற மதங்கள் ஆசை, செருக்கு ஆகியவற்றிற்கு உகந்தவை. தியாகராஜர், ஆறுவகை மதங்களிடையே வேறுபாடு செய்வோரை, பல கீர்த்தனைகளில் நிந்திக்கின்றார். சைவம், வைணவம் ஆகிய ஆறு மதங்களுக்குமே, 'பக்தி நெறி' பொதுவாகும். எனவே இங்கு, அவர், வைணவத்தைத் தவிர, மற்ற மதங்களைக் குறை கூறுவதாகக் கொள்ளலாகாது. அவர் குறை கூறுவது, 'இச்சைகளுக்காக வேள்விகள் இயற்றும் கரும மார்க்கம்' மற்றும் வினோதமான கோட்பாடுகளுடைய 'கௌல மார்க்கம்' ஆகியவற்றினை எனக்கொளலே பொருந்தும்.

கண்ணன் கீதையில் (3-வது அத்தியாயம், 9-வது செய்யுள்) கூறவது -

"வேள்விக்கென்றே அல்லாது, மற்ற நோக்கங்களுடன் இயற்றப்படும் காரியங்களால், இவ்வுலகம் கட்டுப்பட்டதாகின்றது. அதனால், குந்தி மகனே, பற்றினைத் துறந்து, பணிகளைச் செய்வாய்." (ஸ்வாமி ஸ்வரூபானந்தாவின் ஆங்கில மொழிபெயர்ப்பின் தமிழாக்கம்.

⁷ - நிஷ்காம - பற்றற்ற - இச்சொல், இறைவனைக் குறிப்பதாகக் கொள்ளலாம். ஆனால், புத்தகங்களில் கூறியபடி, பரம்பரையாக, இச்சொல் தியாகராஜரைக் குறிப்பதாகக் கொள்ளப்பட்டுள்ளது. அங்ஙனமே இங்கும் பொருள் கொள்ளப்பட்டது.

தாதை - பிரமன்
Top