குறிப்புக்கள் - (Notes)
வேறுபாடுகள் - (Pathanthara)
சில புத்தகங்களில், இப்பாடலின் ராகம் 'லதாங்கி' என்று கொடுக்கப்பட்டுள்து.

¹ - ஜூடு₃மீ - ஜூடு₃மி : 'ஜூடு₃மீ' என்பது தான் அதிகம் பொருந்தும். அங்ஙனமே ஏற்கப்பட்டது.

² - க்ரே (கண்ட) - க்ரீ கண்ட : 'க்ரே கண்ட' என்பது 'கடைக்கண்ணினால்' என்றும், 'க்ரீ கண்ட' என்பது 'தாழ்க்கண்ணினால்' என்றும் பொருள் படும். 'கடைக்கண்', கருணையினையும், 'தாழ்க்கண்' வெறுப்பினையும் குறிப்பதாகும். எனவே, இவ்விடத்தில் 'க்ரே கண்ட' - கடைக் கண்ணினால் - என்பதே பொருந்தும்.
Top

மேற்கோள்கள்
⁴ - அல நாடு₃ ஸௌமித்ரி - அந்த நாள் இலக்குவன் - இது வால்மீகி ராமாயணத்தில், ஆரண்ய காண்டத்தினில் (அத்தியாயம் 15, செய்யுட்கள் 28,29) நடைபெற்ற ஒரு நிகழ்ச்சியினைக் குறிப்பதாகும். ராமன், சீதை, இலக்குவனுடன், பஞ்சவடியினை அடைந்தபின், அங்கு வசிப்பதற்காக, ஒரு பர்ணசாலை - இலைக்குடில் (ஓலைக்குடில்) அமைக்கும்படி, இலக்குவனிடம் சொன்னான். அதன்படி, மிக நேர்த்தியானதோர் குடிலை இலக்குவன் அமைக்க, அவனுடைய திறமையினையும், ஈடுபாட்டினையும் வியந்து, ராமன் சீதையிடம் இலக்குவனைப் பற்றி புகழ்ந்துரைத்ததுடன், அவனிடம் (இலக்குவனிடம்) இங்ஙனம் கூறினான் -

"மகிழ்வுற்றேன், நீ செய்த இந்த பெரும்பணியினைக் கண்டு;
அதற்காக, (இதோ) உன்னை நான் மார்புறத் தழுவிக்கொள்கின்றேன்;
இலக்குவா! என்னுடைய உணர்வுகளை அறிந்த, நன்றியறிதலுடைய, அறநெறி நிற்கும்
உன்னை மகனாகப் பெற்ற, தர்மாத்மாவான, நமது தந்தை இறந்துவிடவில்லை."
(எமது தேவைகளை கவனிக்க, உன்னுருவத்தில் உயிருடன் இருப்பதாக உணர்கின்றேன்)
Top

விளக்கம்
³ - தண்ட - இங்ஙனமே எல்லா புத்தகங்களிலும் கொடுக்கப்பட்டுள்ளது. ஆனால், தெலுங்கு அகராதியின்படி, 'தண்டா' என்பதுதான் சரியான சொல்லாகும். 'தப்பு தண்ட' என்று ஒரே சொல்லாக அகராதியில் காணப்படவில்லை. 'தப்பு தண்டலு' என்பது பேச்சு வழக்கிலுள்ள சொல்லாக இருக்கலாம்.

தப்புத்தண்டா - குற்றம் குறைகள்
Top