குறிப்புக்கள் - (Notes)
வேறுபாடுகள் - (Pathanthara)
ராகம் - பூரி கல்யாணி - ஷட்₃வித₄ மார்கி₃ணி - க₃மனஸ்₁ரம.
¹ - நிர்மலமைனதி₃ - நிர்மலமையுன்னதி₃.
² - பது₃-நாலுகு₃ - பதி₃-நாலுகு₃.
Top

மேற்கோள்கள்
² - பது₃-நாலுகு₃ லோகமுலு - பதினான்கு உலகங்கள் - மேலேழு - பூலோகம், புவர்லோகம், ஸ்வர்லோகம், மஹர்லோகம், ஜனர்லோகம், தபோலோகம், ஸத்யலோகம். கீழேழு - அதளம், விதளம், ஸுதளம், ரஸாதளம், தளாதளம், மஹாதளம், பாதாளம்.

³ - கின்னர கிம்புருஷுலு - கின்னர, கிம்புருடர்கள் - வானோரின் இசைக்கலைஞர்கள் - குபேரனின் பணியாட்கள்

⁴ - பரிபூர்ண - பரிபூரணன் - இச்சொல்லுக்கு இலக்கணம் கூறுவது கடினமாகும். கீழ்க்கண்ட 'ஈஸா₁வஸ்ய உபநிடத' சாந்தி பாடச் செய்யுளினை நோக்கவும் -

ஓம் பூர்ணமத₃: பூர்ணமித₃ம் பூர்ணாத் பூர்ணமுத₃ச்யதே |
பூர்ணஸ்ய பூர்ணமாதா₃ய பூர்ணமேவ அவஸி₁ஷ்யதே ||
Top

"ஓம். பூரணம் அஃது; பூரணம் இஃது; (அந்த) பூரணத்தினின்று (இந்த) பூரணம் தோன்றுகின்றது;
(அந்த) பூரணத்தினின்று (இந்த) பூரணத்தினை நீக்க, பூரணமே எஞ்சி நிற்கும்."

இஃது (இந்த) - புலன்கள், மனம், சித்தத்தினால் அறியப்படும் உலகம்;
அஃது (அந்த) - இவை யாவற்றிற்கும் அப்பாற்பட்ட, ஆனால் யாவற்றிற்கும் ஊன்றுகோலான, என்றும் நிலைபெயராத பரம்பொருள்.

செய்யுளின் விளக்கம்
Top

விளக்கம்
⁵ - தானனே - தானேயெனும். புத்தகங்களில், 'நானே பரமான்மா என்றுணரும் மெய்யறிவு', 'பரமான்மா மற்றும் சீவான்மாவின் ஒற்றுமையினை உணரும் மெய்யறிவு', 'பரமான்மா, சீவான்மா மற்றும் யாவும் நீயே எனும் மெய்யறிவு' என பலவிதமாகப் பொருள் கொள்ளப் பட்டுள்ளது.

சரணத்தில், 'சீவான்மா' (பரமாத்முடு₃ ஜீவாத்முடு₃) கொடுக்கப்பட்டுள்ளதால், 'தான்' என்பது தன்னிலையைக் குறிக்காது என்று நான் கருதுகின்றேன். எனவே 'தான்' என்பதற்கு முன்னிலையில் 'நீ' என்று பொருள் கொள்ளப்பட்டது.
Top

என் சிற்றறிவுக்கு எட்டியவரை, 'நானே பரமான்மா' என்று கூறுதல் முறையாகாது என்று நான் கருதுகின்றேன். இது குறித்து, ஆதி சங்கரர், தமது 'ஷ்ட்பதீ₃ ஸ்₁லோக'த்தில் (3) கூறுவது -

"தலைவா! எனக்கும், உனக்கும் வேறுபாடுகள் அகன்றாலும், நான், உன்னவனாவேனே யன்றி, நீ என்னவனாவதில்லை.
கடலினின்றே அலைகளே யன்றி, அலைகளினின்று கடல் அன்று."
Top