குறிப்புக்கள் - (Notes)
வேறுபாடுகள் - (Pathanthara)
⁴ - ஸொக₃ஸுகா₃ - ஸொக₃ஸுன.
Top

மேற்கோள்கள்
² - பக₃லு வத்துலு - பகல்வத்திகள் - ஒளி வாணம்
Top

விளக்கம்
¹ - மமததோனு - பரிவுடன் - இது வானோரைக் குறிப்பதாகவோ, அல்லது ஆய்ச்சியரைக் குறிப்பதாகவோ கொள்ளலாம்.
³ - ப₃ங்கா₃ரு சீரலு - சரிகை சேலைகள்.
Top

'நௌக சரித்திரம்' (ஓடக்கதை) எனும் நாட்டிய நாடகத்தினில் வரும் பாடல் இது.

பாடலின் பின்னணி - ஆய்ச்சியர்கள் கண்ணனை யமுனை நதிக்கரையில் சந்தித்து, எல்லோருமாக ஓடத்தில் பயணம் செய்கின்றனர். கண்ணனை சந்தித்த களிப்பில், ஆய்ச்சியர் கண்ணனை தமது சொத்தாக நினைத்து செருக்கடைகின்றனர். அவர்களுடைய செருக்கினை யடக்க, கண்ணன் புயலை உண்டாக்குகின்றான். புயலில் படகு தத்தளிக்கின்றது. படகினில் ஓட்டை விழுந்து தண்ணீர் உள்ளே புகுகின்றது. கண்ணன் தனக்கு உடல் நலம் குன்றியதாகப் பாசாங்கு செய்கின்றான். அதனால் தாங்கள் எப்படி கரை சேர்வது, கண்ணனை எங்ஙனம் உயிர்காப்பது என பெருங்கவலை கொள்கின்றனர். அதற்கு, கண்ணன் படகின் ஓட்டையை அடைக்க அவர்கள் யாவருடைய ரவிக்கைகளையும் அவிழ்த்து ஓட்டையில் திணிக்கச்சொல்கின்றான். ஆய்ச்சியர் அங்ஙனமே செய்தும், ரவிக்கைகளெல்லாம் நீரில் அடித்துக்கொண்டு போய்விடுகின்றன. கண்ணன் அவர்களை தங்களுடைய சேலைகளையும் அவிழ்த்து ஓட்டையை அடைக்கும்படி கூறுகின்றான். ஆய்ச்சியர் பெரும் தயக்கத்திற்குப் பின்னர் அங்ஙனமே செய்தும், அவைகளும் (சேலைகள்) நீரில் அடித்துச் செல்லப்படவே, செய்வதறியாது, ஆய்ச்சியர், கண்ணனை, சரணடைந்து கதறினர். கண்ணன் அவர்கள் மேல் இரக்கம் கொண்டு, புயல்-மழையினை நிறுத்தி, அவர்களுக்கு ஆடைகளை அளித்தான். செருக்கு அகன்ற ஆய்ச்சியர், கண்ணனைக் கொண்டாடினர். இப்பாடல், ஆய்ச்சியர், கண்ணனுடன், பெருங்களிப்புடன், வீடு திரும்பும் காட்சியினை விவரிக்கின்றது.

கன்னியர் - ஆய்ச்சியரைக் குறிக்கும்
யது குல வீரன், அரங்க பதி, தியாகராச வரதன் - கண்ணன்
Top