குறிப்புக்கள் - (Notes)
வேறுபாடுகள் - (Pathanthara)
¹ - வாதா₃ - ராம.
² - மனோ-ஹர - விஹார - தீ₄ர : மனோ-ஹரா - விஹாரா - தீ₄ரா.
³ - பிலிசிதே - பிலிசின.
⁶ - ஏமன வலதி₃ச்சோட - ஏமன வலனிச்சோட - ஏமன வலதே₃யிச்சோட.
⁷ - இங்க தெர சாடா - இக தெர சாடா.
⁹ - ரூபமெட்லுன்ன - ரூபமுலெட்லுன்ன.
¹⁰ - மின்ன - முன்ன : இவ்விடத்தில் 'முன்ன' என்பதற்குப் பொருளேதும் இல்லை.
¹¹ - வினுதாபி₄ன்ன (வினுத அபி₄ன்ன) - வினுத பி₄ன்ன : இவ்விடத்தில் 'அபி₄ன்ன' என்பதே பொருந்தும்.
Top

மேற்கோள்கள்
⁸ - ரூகலொஸகி₃ - பொருள் தந்து. முன்னாளில், மாப்பிள்ளை வீட்டார், பெண்ணின் பாதுகாப்புக்காக, பொருள் கொடுத்துப் பெண் கொண்டனர். இது 'ஸ்த்ரீ த₄னம்' அல்லது 'கன்யா த₄னம்' அல்லது 'கன்யா ஸு₁ல்கம்' எனப்படும். இந்த 'ஸ்த்ரீ த₄னம்' தான் இன்று 'சீதனம்' என்று தவறான பொருளில் வழங்குகின்றது. 'வரதக்ஷிணை' என்ற, பெண் வீட்டார், மாப்பிள்ளை வீட்டாருக்குப் பொருளும் கொடுத்துப் பெண் கொடுக்கும் வழக்கம், பிற்காலத்தில் ஏற்பட்டதாகும்.
Top

¹¹ - அபி₄ன்ன - இது, பாகுபாடற்ற, பரம்பொருளைக் குறிக்கும். இதனைத்தான் உபநிடதங்கள் 'பூர்ண' என்று கூறும். அந்த உபநிடதச் செய்யுள் பின்வருமாறு -

"ஓம். அஃது பூரணமாம். இஃது பூரணமாம். இந்தப் பூரணம், அந்தப் பூரணத்தினின்றும் உண்டாவது.
பூரணத்தினை பூரணத்தினின்று எடுக்க, பூரணமே எஞ்சும்."
(அஃது - பரம்பொருள்; இஃது - புலப்படும் உலகம்)
Top

விளக்கம்
⁴ - ஸரி-வாரலாட₃ லேதா₃ - 'ஸரிவாரலு' என்பது ஈடானோரைக் குறிக்கும். சில புத்தகங்களில், இதற்கு, 'இறைவனுக்கு ஈடானோர்' என்று பொருள் கொள்ளப்பட்டுள்ளது. இவ்விடத்தில், தியாகராஜர், 'தனக்கு ஈடானவர்களை'க் குறிப்பிடுவதாகப் பொருள் கொள்ளப்பட்டுள்ளது.

⁵ - மும்மாரு - மும்முறை - ஒரு சொல்லினை, மும்முறை திரும்பச் சொன்னால், அது உறுதி என்று பொருளாகும்.

⁶ - நினு பாடி₃ன பாட வினியேமன வலது₃ - இதற்கு 'உன்னைப் பாடிய பாடலைக் கேட்டு ஏதும் சொல்ல வேண்டாம்' என்று பொருள் கொள்ளப்பட்டது. தியாகராஜரின், இறைவனுடன், இத்தகைய உரையாடலுக்குச் சரிவர பொருள் கொள்வது மிகவும் கடினமாகும். மேலும், முன்னம் குறிப்பிட்டுள்ள 'வேறுபாடு'களினால், இதற்கு சரியான பொருள் கூறுவது முடியாததாகின்றது. இங்கு கொள்ளப்பட்டுள்ள பொருள், சரியா அல்லது, இதற்கு வேறு ஏதும் பொருளுண்டா என்பதும் விளங்கவில்லை.
Top

⁷ - தெர சாடா - திறை மறைவு - இது, இறைவனின் 'மாயை' எனப்படும் திரையினைக் குறிக்கலாம்.

⁸ - ரூகலொஸகி₃ - பொருள் தந்து - சில புத்தகங்களில் இதற்கு 'விலைகொடுத்து வாங்கிய மனைவி, அழகுள்ளவளானாலும், பண்புக்காக மணந்த பெண்ணைப் போன்று, கணவனுடன் நெடுங்காலம் வாழமாட்டாள்' என்று பொருள் கொள்ளப்பட்டுள்ளது. எனக்குத் தெரிந்த வரையில், பாடலில் அப்படிப்பட்ட சொற்கள் ஏதும் இருப்பதாகத் தோன்றவில்லை. மேலே கூறியது போன்று, 'பொருள் தந்து பெண் கொள்வது' அக்காலத்து வழக்கம். அதனை, 'விலைகொடுத்து வாங்குதல்' என்று கூறுவது பொருந்தாது என்று நான் கருதுகின்றேன்.

இங்கேதும் சொல்லாதே - 'இங்கென்ன சொல்வாயோ' என்றும் கொள்ளலாம்.
Top